Evro-2020 oldidan Polsha terma jamoasida yo'qotish bor

Polsha milliy jamoasi hujumchisi Arkadiush Milik Evropa chempionatida o'ynamaydi. Bu haqda mamlakat futbol federatsiyasi xabar berdi.

«Marsel»ning 27 yoshli futbolchisi milliy jamoa bazasiga jarohat bilan kelgandi. Tekshiruvlardan ma'lum bo'ldiki, hujumchi yuklamalarga tayyor emas. 

Polsha ustozi Paulu Souza uning o'rniga boshqa futbolchini chaqirmaslikka qaror qildi. 

Avvalroq jarohat tufayli yana bir hujumchi Kshishtof Piontek ham qaydnomadan tushib qolgandi.