Ispaniya terma jamoasi yig'iniga yana 4 nafar futbolchi chaqiruv oldi

Ispaniya futbol federatsiyasi rasmiy saytining ma'lum qilishicha, milliy termaning to'rt nafar yangi o'yinchisi yig'inga chaqiriq olgan.

Ular orasida Rodrigo Moreno («Lids») va yarimhimoyachilar Pablo Fornals («Vest Xem»), Brais Mendes («Selta») va Karlos Soler («Valensiya») kabi futbolchilar bor. Bungacha terma jamoa sardori Serxio Busketsning koronavirus uchun topshirgan testi manfiy natija bergan edi.

Ushbu futbolchilar parallel ravishda jamoaning qolgan qismidan alohida holda mashq qilishadi. Ularning Evro-2020dagi ishtiroki masalasi, keyinchalik terma jamoadagi kadrlar holatiga qarab ko'rib chiqiladi.

Eslatib o'tamiz, Evro-2020 11 iyundan 11 iyulgacha bo'lib o'tadi. «E» guruhidagi Ispaniya terma jamoasi Shvetsiya (14 iyun), Polsha (19 iyun) va Slovakiya (23 iyun) bilan o'ynaydi.