«Betis» yangi futbolchisini ommaga tanishtirdi

«Betis» rasmiy sayti xabariga ko'ra, himoyachi Yussuf Sabali ispan klubi bilan rasmiy shartnoma imzolagan. Ta'kidlanishicha, bitim 2026 yilgacha amal qiladi.

28 yoshli futbolchi oldinroq «Bordo»da o'ynagan. Uning frantsuzlar bilan amaldagi shartnomasi 30 iyun kuni o'z yakuniga etadi. U «Betis»ga erkin agent sifatida o'tdi.

Yakuniga etgan mavsumda senegallik «Bordo» tarkibida barcha musobaqalarda 33 o'yin o'tkazgan va ikkita golli pas va bitta gol urishga muvaffaq bo'lgan.