Terma jamoa shifokori Aliqulov va Erkinovning jarohati haqida ma'lumot berdi

O'zbekiston terma jamoasi JCh-2022 saralash bosqichi doirasida Singapurga qarshi bahs olib borib, yirik hisobda g'alaba qozondi. Mazkur bahsda himoyachimiz Husniddin Aliqulov va yarim himoyachimiz Hojimat Erkinov jarohat olib, maydonni erta tark etishdi. Terma jamoa shifokori Abror Pirriev ular haqida ma'lumot berib o'tdi.


"Tungi tibbiy sarhisob:

Raqib shiddatli qarshilik ko'rsata olmagan bo'lsa-da, iqlimning issiq, nam va changligi bois futbolchilar qiynalishdi. Maydonga sepilgan suv issiqda birpasda qurib, chimda to'p yurishi qiyinlashdi, ustiga ustak jarohatlarni ko'paytirdi. Aynan maydon o'tining quruqligi, to'p yurmay, oyoq sirpanmay taqalib qolaverishi Erkinov Hojimatning biroz xavotirli jarohatiga sabab bo'ldi.

Maydondan chiqib ketgan bo'lsa-da Husniddin Aliqulov jarohati jiddiy emas. Hojimat Erkinov masalasida esa ertaga qo'shimcha tekshiruvlar o'tkazilgach barchasiga oydinlik kiritiladi", — deya ma'lumot tarqatdi Abror Pirriev o'zining telegramdagi kanali orqali.

Manba: https://t.me/abrorpirmuhammad