Ispaniya superkubogi 2029 yilgacha Saudiya Arabistonida o'tkaziladi

Ispaniya qirollik futbol federatsiyasi Ispaniya superbkubogi musobaqasi mezbonligi borasida Saudiya Arabistoni bilan kelishuvni uzaytirdi.

Yangi kelishuvga ko'ra, turnir 2029 yilga qadar Saudiyada o'tkaziladi. Avvalgi shartnoma 2026 yilga qadar tuzilgan edi. Ushbu huquq evaziga Ispaniya futbol federatsiyasi 240 million evrodan 320 million evrogacha daromad oladi.

Superkubok har yili yanvar oyining ikkinchi yoki uchinchi haftasida o'tkaziladi.

Mavsum-2019/2020dan buyon Ispaniya superkubogi "to'rtlar finali" shaklida o'tkazilmoqda. Unda La liga g'olibi, Ispaniya kubogi sohibi, Ispaniya chempionatida 2-o'rin egasi va Ispaniya kubogi finalchisi ishtirok etishi ko'zda tutilgan.

2022 yilgi mini-turnirda "Atletiko", "Real", "Barselona" va "Atletik Bilbao" klublari qatnashishadi.