Roberto Martines: "Muhimi, Eden hozir tibbiy jihatdan sog'lom"

Belgiya terma jamoasi bosh murabbiyi Roberto Martines Xorvatiya terma jamoasi bilan o'rtoqlik uchrashuvida 10 daqiqa o'ynagan hujumchi Eden Azarning holati haqida gapirdi.

"Edenning maqsadi - maydonga kirish. Xorvatiya bilan o'yinda maydonga tushish tiklanishning psixologik qismidir. Endi u ko'proq daqiqa o'ynay oladi. Qachon 100% tayyor bo'lishini aytish qiyin, bu ko'pgina omillarga bog'liq deb o'ylayman. Muhimi, u hozir tibbiy jihatdan sog'lom", - deydi murabbiy.

Eslatib o'tamiz, Azar Gretsiya terma jamoasiga qarshi birinchi o'rtoqlik uchrashuvini jarohati tufayli o'tkazib yuborgan edi. Eden Evro-2020da Rossiya terma jamoasi bilan o'yinda maydonga tushishi kutilmoqda.