Fred: "Evropa Ligasi finali bu mavsumga beriladigan ajoyib baho"

«Manchester Yunayted» yarimhimoyachisi Fred jamoaning o'tgan yilgi yutuqlari haqida gapirdi. Braziliyalikning so'zlariga ko'ra, «qizil iblislar» ajoyib mavsum o'tkazgan.

«Mening fikrimcha, biz bir jamoa sifatida juda yaxshi ko'rinishga ega bo'ldik. Tarkib mavsum davomida o'sdi. Biz chempionatni juda yaxshi boshlay olmadik, ammo keyin barchasi joyiga tushib ketdi. Evropa Ligasi finali bu mavsumga beriladigan ajoyib baho.

Yillar o'tib borishi bilan biz yanada yaxshilanib boramiz. Menimcha butun jamoa ajoyib mavsumni o'tkazdi. Men ko'proq yutuqlarga erishishni xohlardim, biz sovrinlarni yutmoqchimiz», - deydi braziliyalik.