Arsen Venger Evro-2020da kim favoritligini aytdi

Londonning «Arsenal» klubi sobiq bosh murabbiyi Arsen Venger Evropa chempionati oldidan turnirning asosiy favoritini ko'rsatdi.

«Frantsiya — superfavorit. Bu so'zlar bu jamoaning kuchini to'liq ifodalay olmaydi, hatto. Frantsiya – amaldagi jahon chempioni. Bu jamoa tarkibida Kante, Pogba, Benzema, Grizmann, Koman, Jiru va Dembele bor. Tarkibning yarmini hali aytmadim.

Dide Desham qo'l ostidagi zaxira o'rindig'ida dunyoning istalgan jamoasida asosiy tarkibda o'ynay oladigan yana 11 nafar futbolchi bor. Frantsiya – chempion, bu jamoa hali endi o'zining eng cho'qqisiga chiqadi», — deya Vengerning so'zlarini keltirmoqda Sky Sports.

Ma'lumot uchun, Frantsiya guruhdan chiqish uchun Germaniya, Vengriya va Portugaliya milliy jamoalari bilan kurash olib boradi.