Kevin de Bryuyne operatsiya qilindi

"Manchester Siti" yarim himoyachisi Kevin de Bryuyne yuzidan olgan jarohati tufayli operatsiya qilindi. Bu haqda Belgiya terma jamoasi bosh murabbiyi Roberto Martines ma'lumot berdi.

Futbolchi endi terma jamoa mashg'ulotlarida ishtirok etishga tayyor.

"Operatsiya 20 daqiqa davom etdi. U juda yaxshi o'tdi. Kelajakni inobatga olgandi, jarrohlik amaliyoti kerak edi. Uning tiklanishi uchun ko'p vaqt talab etilmaydi. Tibbiyot shtabi natijadan qoniqish hosil qildi. Dushanba kuni uning jamoa safiga qo'shilishini kutamiz", — dedi Martines.

Eslatib o'tamiz, Kevin de Bryuyne Evropa chempionlar ligasi finalida burnini sindirib olgan edi. Belgiya terma jamoasi Evro-2020da dastlabki o'yinni 12 iyun kuni Rossiyaga qarshi o'tkazadi. Shuningdek, belgiyaliklar guruh bosqichida Daniya (17 iyun) va Finlyandiya (21 iyun) bilan to'qnash kelishadi.