Singapurga qarshi o'yin oldidan Vadim Abramov ishtirok etgan matbuot anjumani yakuniga etdi

Marosim qisqacha formatda o'tkazildi va OFK vakili tomonidan berilgan uchta savoldan iborat bo'ldi.

- Ertaga koronavirus pandemiyasidan keyingi birinchi rasmiy o'yinimiz bo'ladi. Bu yangicha formatdagi turnir. Uzoq vaqt davomida biz rasmiy o'yinlarda ishtirok etmadik.

- Bu o'yinlardan oldin albatta Saudiya Arabistoni mezbon sifatida ustunlikka ega. Lekin barchasi o'z qo'limizda. Imkoniyatimiz 50/50. Bizda ungacha yana ikkita o'yin bor, shuni unutmaslik kerak.

- Yo'qotishlar yo'q va hamma sog'-salomat. Faqat Oybek Bozorovda diskvalifikatsiya bor. U 2020 yil Tailandda o'tgan U-23 Osiyo chempionati so'nggi o'yinida qizil kartochka olgandi, - dedi Abramov.