Anvar Berdiev "Turon" jamoasida ish boshladi

Faoliyati davomida “Nasaf", "Bunyodkor" va "Neftchi" kabi nomdor klublarda o'zining yorqin o'yinlari bilan muxlislar mehrini qozongan taniqli mutaxassis Anvar Berdiev "Turon" murabbiylar shtabida ish boshladi.

Iste'dodli murabbiy bugunga qadar "Istiqlol" va "Buxoro" klublarida bosh murabbiy sifatida ishlagan. Shuningdek Anvar Berdiev milliy chempionatlarimizda 500 tadan ko'p o'yin o'tkazgan futbolchi sifatida tarixda qolgan. Berdiev jamoa hujum chizig'ini yanada kuchaytirish maqsadida yaypanliklar tizimiga yordamchi murabbiy sifatida jalb etildi.

"Turon" futbol klubi barcha muxlislar nomidan Anvar Berdievning jamoamizdagi faoliyatida ulkan muvaffaqiyatlar yor bo'lishini tilaydi", deyiladi klub telegram kanalida.