"Arsenal" tarbiyalanuvchisi faoliyatini yakunladi

34 yoshli himoyachi Yoan Juru instagram sahifasi orqali professional futbolchilik faoliyatini yakunlaganini e'lon qildi.

"Arsenal"ning sobiq futbolchisi "kanonirlar"ning yoshlar jamoasiga 2003 yilda kelib qo'shilgan va 2014 yilga qadar ushbu jamoa sharafini himoya qilgan. Ushbu davr ichida shveytsariyalik futbolchi "Gannover", "Birmingem" va "Gamburg" klublariga ijaraga ham berilgan.

U shuningdek SPAL, “Norshellann”, “Antalyaspor”, “Son” va “Ksamaks” kabi klublarda ham to'p surgan. Juru Shveytsariya terma jamoasida 70 dan ortiq o'yin o'tkazgan. 

Juru o'z murojaatida nima uchun sportni tark etishga qaror qilganiga aniqlik kiritmagan.