Nogiron-amputantlar o'rtasida futbol bo'yicha O'zbekiston chempionatining 2-tur uchrashuvlari boshlandi

Bugun O'zbekiston futbol assotsiatsiyasi futbol maydonida nogiron-amputantlar o'rtasida futbol bo'yicha O'zbekiston chempionatining 2-tur uchrashuvlari boshlandi.

Unda Namangan, Andijon, Farg'ona, Jizzax, Zomin, «Baynalminal» (Toshkent) hamda «Matonat» (Toshkent) jamoalari o'zaro bahs olib bormoqda.

Musobaqa reglamentiga ko'ra jamoalar ushbu turda 6 ta o'yin o'tkazishi belgilab qo'yilgan.

Dastlabki tur bellashuvlarga Namangan viloyati Kosonsoy tumani mezbonlik qilgan edi. Mazkur 2-tur uchrashuvlari 7 iyunga qadar davom etadi.