Tuxel «Chelsi»ga sobiq shogirdini chaqiradi

«Arsenal» hujumchisi Per-Emerik Obameyang «Chelsi»ga o'tishi mumkin. Britaniyaning nufuzli nashri bu haqida xabar bergan.

Potentsial transferning tashabbuskori - «ko'klar» bosh murabbiyi Tomas Tuxel. U Dortmundning «Borussiya»sida gabonlikka ustozlik qilgan.

Eslatib o'tamiz, Frenk Lempard ham Obameyangga da'vogarlik qilgandi, ammo keyin «Chelsi» «kanonirlar» hujumchisining ish haqi haqidagi talablarini qondirishdan bosh tortgan.

Manbaning xabariga ko'ra, Per-Emerik ushbu yozda «Arsenal»ni tark etishga tayyor. U «kanonirlar» loyihasidan ko'ngli qolgan va sovrin yutish niyatida.