Ronaldu Portugaliya terma jamoasi safida 174-o'yinini o'tkazmoqda. Rekordgacha 10 uchrashuv qolgan

Portugaliya terma jamoasi sardori Krishtianu Ronaldu Ispaniyaga qarshi o'rtoqlik o'yinida asosiy tarkibda maydonga tushdi va terma jamoasi libosida 174-o'yinini o'tkazmoqda.

Jahon rekordiga qadar 36 yoshli forvard yana 10 ta o'yin o'tkazishi kerak bo'ladi.

Misr terma jamoasining sobiq yarim himoyachisi Ahmad Hassan hisobida 184 o'yin mavjud.

Shuningdek, Ronaldu 8 futbolchidan ortda bormoqda. Ular orasida Evro-2020 musobaqasida qatnashmaydigan Serxio Ramos (180 o'yin) ham bor.