«Milan» Chalxanogluning qarorini kutadi

Italiyaning «Milan» klubi yana bir hafta davomida Hakan Chalxanogludan shaxsiy javobini kutadi.

Yoki turk yaqin kunlar ichida jamoada qolish masalasiga oydinlik kiritadi, yoki yozda tugaydigan shartnomani uzaytirmaydi. «Milan» turkiyalik yarimhimoyachi borasidagi mavhumlikdan charchadi.

Turli manbalarga ko'ra, «Yuventus»ning Xakanga bo'lgan qiziqishi pasaygan. U Qatarga o'tishni istamaydi va Premer-ligadan unga jiddiy takliflar bo'lmagan.

Chalxanoglu «Milan»da qolishga tayyor, ammo barchasi maoshlarga bog'liq. Turk jamoada qolishni istasa o'zining moliyaviy talablarini cheklashi kerak.