Morata: "Ular bir biriga o'xshash"

Turinning «Yuventus» klubi hujumchisi Alvaro Morata jamoadoshi Krishtianu Ronaldu haqida taassurotlari bilan o'rtoqlashdi.

«Bu har qanday daqiqada gol ura oladigan ajoyib o'yinchi. Uning gollari bizni sovrinlarga yaqinlashtirmoqda. U shaxsiy ko'rsatkichi uchun emas, g'alaba uchun hamma narsani qilishga tayyor. Shaxsiy yutuqlar esa o'z o'zidan kelaveradi.

Krishtianuda Rafa Nadal kabi po'lat asablar bor. Ular bir biriga o'xshash. Buning uchun Ronalduga qoyil qolish mumkin, va men u bilan o'ynashni juda yaxshi ko'raman», - deydi Morata.

O'tgan mavsumda 36 yoshli Ronaldu 44 o'yinda 36 gol urdi va 4 ta golli pas berdi. Uning «Yuventus» bilan shartnomasi 2022 yil iyunigacha mo'ljallangan.