"Barselona" himoyachisini qanchaga sotishi ma'lum bo'ldi

“Barselona” rahbariyati jamoa himoyachisi Xunior Firponi sotib yuborishga qaror qildi.

24 yoshli futbolchiga asosan Angliya klublari qiziqish bildirmoqda. Ayniqsa, “Sautgempton” va “Vest Xem” Firponi olish uchun ma'lum miqdorda xarajat qilishga ham rozi.

Har ikki jamoa kataloniyaliklar himoyachi uchun talab qilayotgan 16 million evroni to'lashga tayyor. Shunga qaramay, transferning amalga oshishi Firponing o'ziga bog'liq bo'ladi. Bu futbolchi Ispaniyada qolib, primeraning boshqa klubini tanlashi ham mumkin.

Firpo yakunlangan mavsumda asosiy tarkibga kira olmadi. U milliy chempionatda atigi ettita uchrashuvda qatnashdi va ikkita golda ishtirok etdi.