Frantsiya chempionatida ishtirok etuvchi jamoalar soni qisqaradi

2023/24 yilgi mavsumdan boshlab Frantsiya oliy divizionidagi jamoalar soni 20 tadan 18 taga qisqaradi, deb xabar beradi L’Equipe.

Frantsiya Professional futbol ligasi bosh assambleyasining yig'ilishida jamoalarning qisqarishi borasidagi qaror bir ovozdan ma'qullandi.

Qayd etib o'tish joiz, Liga 1 ga 1932 yilda asos solingan. 1970/71 yilgi mavsumdan buyon musobaqada 20 ta jamoa ishtirok etib kelayotgan edi. Mavsum yakunida eng yomon natija qayd etgan 3 ta jamoa Liga 2 ga tushib ketadi va u erda eng yaxshi natijaga erishgan 3 ta jamoa yuqori divizionga chiqadi.

2022/23 yilgi mavsum so'ngida Frantsiya chempionatini 4 ta jamoa tark etadi va quyi diviziondan 2 ta jamoa yuqoriga ko'tariladi.