EChL yarimfinaliga chiqqan murabbiy A Seriya klubida ish boshlaydi

Italiya matbuotining yozishicha, Eusebio Di Franchesko «Verona» murabbiyligi uchun asosiy nomzod hisoblanadi.

U jamoa bosh postida Ivan Yurich o'rnini egallaydi. U «Torino»ga yanada qulay moliyaviy sharoitlar sababli jo'nab ketdi.

Di Franchesko ilgari Evropaning eng istiqbolli murabbiylaridan biri sanalgan. Mutaxassis «Roma»ni Chempionlar Ligasi yarim finaliga olib chiqdi, ammo keyinchalik uning faoliyatida pasayish boshlandi.

Sakkiz o'yindan so'ng ishdan bo'shatilgan Di Franchesko «Sampdoriya»da ishlab ko'rdi. Shuningdek, u o'tgan mavsumda «Kalyari»dan chetlatilgandi.