"Real" o'z futbolchisi bilan shartnoma borasida kelishib oldi

Madridning "Real" klubi yarim himoyachi Lukas Vaskes bilan yangi shartnoma borasida kelishib oldi. El Partidazo de COPE nashrining xabar berishicha, 3-iyun, payshanba kuni "Real" ispan yarim himoyachisi bilan 2024-yilgacha hisoblab chiqiladigan yangi shartnoma imzolanganligini e'lon qiladi.

Vaskesning amaldagi shartnomasi 2021-yil 30-iyungacha mo'ljallangan. Futbolchi "Real" akademiyasini bitirgan bo'lib, u 2015-yilda "Espanol"dan "Real"ga 1 million evro evaziga qaytgan. 29 yoshli ispaniyalik ushbu mavsumda barcha musobaqalarda 34 uchrashuvda maydonga tushib, 2 gol va 8 golli uzatmani amalga oshirdi.