Azar Karlo Anchelotti haqida iliq fikrlarni gapirdi

"Real" yarim himoyachisi Eden Azar Karlo Anchelottining Madrid jamoasiga bosh murabbiy etib tayinlangani haqida fikr bildirdi.

"Anchelotti ushbu klubga nima berganini "Real"da hamma yaxshi biladi. U ushbu tarkib bilan Chempionlar Ligasida g'olib chiqdi, shu sababdan Anchelotti ko'plab futbolchilar bilan tanish. Barchamiz uning boy tajribaga ega murabbiy ekanligini bilamiz. O'ylaymanki, birgalikda ko'p narsaga erishamiz.

Men uni shaxsan tanimayman. Ammo eshitishimga qaraganda, Anchelotti g'alaba qozonishni istagan juda yaxshi odam. Bu esa hammamiz istayotgan narsa. Endi biz birgalikda ishlash imkoniyatiga ega bo'lamiz. Bu men uchun yaxshi yangilik", - deydi Azar