Shomurodovning jamoadoshi klub bilan shartnomani uzaytiradi

Hamyurtimiz Eldor Shomurodov to'p tepayotgan «Jenoa» forvardi Goran Pandev jamoa bilan amaldagi shartnomani 2022 yilgacha uzaytirishni reja qilmoqda.

Jurnalist Nikolo Skiraning so'zlariga ko'ra, 37 yoshli hujumchi Evro-2020dan so'ng so'nggi qarorni qabul qiladi. «Jenoa»da Pandevning qaytishiga bosh murabbiy Davide Ballardini ham, prezident Enriko Pretsiozi ham qiziqish bildirgan.

O'tgan mavsumda Pandev «A» Seriyada «Jenoa» tarkibida 29 uchrashuvda 7 ta gol urdi va 3 ta golli pas berdi.