PFA talqiniga ko'ra APLda mavsumning eng yaxshi futbolchisi uchun nomzodlar aniqlandi

Angliya Professional Futbolchilar Assotsiatsiyasi (PFA) aynan futbolchilar tomonidan o'tkaziladigan so'rovnomaga ko'ra mavsumning eng yaxshi o'yinchisi uchun nomzodlar ro'yxatini e'lon qildi.

Ovoz berishda Kevin de Bryuyne, Ilkay Gyundogan, Ruben Diash va Fil Foden, «Tottenxem» dan Xarri Keyn va «Manchester Yunayted»dan Bruno Fernandeshlar ishtirok etishdi.

Xabar qilinishicha, ligadagi barcha jamoalar sardorlari tomonidan to'plangan ovozlar allaqachon sarhisob qilib bo'lingan. G'olib maxsus taqdirlash marosimida e'lon qilinadi.

Eslatib o'tamiz, sovrinning amaldagi g'olibi Kevin de Bryuyne.