Beyl Evro-2020 musobaqasidan keyin faoliyatini yakunlaydimi?

Madridning "Real" klubi hujumchisi Garet Beyl Evro-2020dan keyin futboldan ketishi mumkinligi haqidagi ma'lumotlarga izoh berdi. Avvalroq uelslik forvard Evro-2020 musobaqasida o'ynashni xohlayotgani, shundan so'ng u "Real" bilan shartnomani bekor qilish va faoliyatini yakunlash uchun muzokara o'tkazish imkoniyatini ko'rib chiqayotgani haqida xabar berilgan edi.

"Shubhasiz, bu haqda ko'p yozilgan. Men ko'proq betartiblik yoki chalg'itishga olib keladigan hech narsa demoqchi emasman. Shunchaki diqqatimni Evro-2020ga qaratmoqchiman. Muammolarni keltirib chiqaradigan biror narsa deyishdan yiroqman. Men bor e'tiborimni faqat Evro-2020ga qarataman. Biz uchun musobaqa tugagach, men o'tirib nima qilishimni hal qilaman", - deydi Beyl.