APL. 2020/21 yilgi mavsumning eng yaxshi murabbiyi nomiga da'vogarlar e'lon qilindi

Angliya Premer Ligasi 2020/21 yilgi mavsumning eng yaxshi murabbiyi nomiga nomzodlar ro'yxatini e'lon qildi.

Unga ko'ra yakuniy ro'yxatdan 5 nafar mutaxassis o'rin oldi. Bular: Pep Gvardiola («Manchester Siti»), Ole-Gunnar Sulsher («Manchester Yunayted»), Brendan Rodjers («Lester»), Devid Moyes («Vest Hem») va Marselo Belsa («Lids»).

Gvardiola «Manchester Siti» bilan Premer Liga g'olibligini qo'lga kiritdi. Sulsher «Manchester Yunayted» bilan musobaqa jadvalida ikkinchi o'rinni egallagan bo'lsa, Rodjersning «Lester»i beshinchi pog'onani band etib, Evropa Ligasi yo'llanmasiga ega chiqdi.

Moyes boshqaruvidagi «Vest Hem» oltinchi pog'onani egalladi. O'tgan mavsumda yuqori divizionga chiqqan «Lids» esa Marselo Belsa bilan 59 ochko jamg'arib, 9-o'rinni egalladi.