Ayollar terma jamoamiz Eron va Belarus vakillariga qarshi o'rtoqlik uchrashuvi o'tkazadi

Osiyo kubogi-2022 saralash bahslariga tayyorgarlik ko'rayotgan O'zbekiston ayollar milliy terma jamoasi uchun iyun oyida ikkita xalqaro o'rtoqlik uchrashuvi tashkil etiladi.

Bahrom Norsafarov murabbiyligi ostidagi terma jamoamiz 5 iyun kuni Toshkentdagi o'quv-mashg'ulot yig'iniga start beradi va 9 iyun sanasida Belarus poytaxtiga yo'l oladi.

Dastlab ayollar milliy terma jamoamiz Minsk shahridagi «ABFF» stadionida Eron vakillariga qarshi o'rtoqlik uchrashuvi o'tkazadi. Navbatdagi o'rtoqlik uchrashuvi esa Vitebsk shahridagi “Vitebsk SSS” sport majmuasi maydonida mezbon Belarus ayollar terma jamoasiga qarshi kechadi.

Xalqaro o'rtoqlik uchrashuvlari, Minsk

11 iyun | 20:00
O'zbekiston – Eron

14 iyun | 21:00
Belarus – O'zbekiston