Boks. O'zbekiston umumjamoa hisobida erkaklar o'rtasida 1, umumiyda esa 2-o'rinni egalladi

Birlashgan Arab Amirliklarining Dubay shahrida boks bo'yicha Osiyo chempionati yakuniga etdi. Unda erkaklar va ayollar 10tadan vazn toifasida ishtirok etishdi. To'liq tarkib turnirda qatnashgan o'zbekistonlik bokschilarning 18 nafari medalni qo'lga kiritishdi. Faqat ikki nafar qizimiz musobaqa yarim finaligacha etib kela olmadi.

O'zbekiston erkaklar jamoasi 6ta medal, bitta kumush va 3ta bronza medallari bilan umumjamoa hisobida birinchi o'rinni qo'lga kiritdi. Nodirjon Mirzahmedov, Shahobiddin Zoirov, Bobo-Usmon Baturov, Saidjamshid Ja'farov, Dilshodbek Ro'zmetov va Bahodir Jalolov qit'ada tengsiz ekanliklarini isbotlashdi.

Qozog'iston esa ayollar musobaqasida 8ta oltin medal bilan umumjamoa hisobida birinchi o'rinni band etgandi. Bu ularga umumiy medallar soni bo'yicha peshqadamlikni o'zlarida saqlab qolishga yordam berdi.

Erkaklar o'rtasidagi musobaqa medallar hisobi:

1. O'zbekiston — 6-1-3
2. Mo'g'uliston — 3-0-2
3. Hindiston — 1-2-2
4. Qozog'iston — 0-5-1
5. Eron — 0-2-2
6. Qirg'iziston — 0-0-4
7. Filippin — 0-0-3
8. Tojikiston — 0-0-2
9. Kuvayt — 0-0-1.

Umumiy medallar hisobi:

1. Qozog'iston — 8-6-2
2. O'zbekiston — 7-6-5
3. Mo'g'uliston — 3-0-5
4. Hindiston — 2-5-8
5. Eron — 0-2-2
6. Indoneziya — 0-1-0
7. Qirg'iziston — 0-0-4
7. Tojikiston — 0-0-4
7. Filippin — 0-0-4
10. Kuvayt — 0-0-2
11. Shri-Lanka — 0-0-1
11. BAA — 0-0-1.