«Chelsi» himoyachisi «Milan» bilan shartnoma imzolaydi

Himoyachi Fikayo Tomori «Chelsi»dan «Milan»ga doimiy ravishda ko'chib o'tadi.

Jurnalist Fabritsio Romanoning xabar berishicha, Italiya klubi inglizning ijara shartnomasida ko'rsatilgan sotib olish variantini faollashtirmoqda. Uning qiymati 28 million evroni tashkil etadi.

23 yoshli futbolchi «Milan» bilan 5 yillik shartnoma imzolaydi.

Bundan tashqari, «Chelsi»ni ushbu yozda Emerson, Tiemue Bakayoko va Davide Zappakosta tark etishadi.

Ma'lumot uchun, o'tgan mavsum Tomori «A» seriyasida «Milan» tarkibida 17 uchrashuv o'tkazdi va 1 ta gol urdi.