Sportchilarimiz Butunjahon qishki universiadasiga jo'nab ketdi

Joriy yilning 2-12 mart kunlari Rossiyaning Krasnoyarsk shahrida o'tkazilayotgan Butunjahon qishki universiadasida O'zbekiston sportlik sportchilar ham ishtirok etishi haqida xabar bergan edik.

Bugun delegatsiyamiz a'zolari Islom Karimov nomidagi Toshkent xalqaro aeroportidan musobaqada ishtirok etish uchun jo'nab ketdi.

Musobaqada yurtimiz sharafini Ali To'xtaev va Ivan Merkushin murabbiyligida Komiljon To'xtaev, Damir Buxarbaev, Aldiyor Gaipov, Ekaterina Lyabina hamda Jasur Mahmudov himoya qilishadi.

Bu galgi Universiadada 50 dan ortiq davlatdan 3000 nafarga yaqin sportchi ishtirok etishi kutilyapti. Talaba-sportchilar biatlon, tog' chang'isi, kerling, chang'i poygalari, snoubord, konkida figurali uchish, fristayl, xokkey, to'pli xokkey, chang'ida mo'ljalni olish va short-trek kabi 11 ta sport turi bo'yicha 76 ta medallar jamlanmasi uchun kurash olib borishadi.
Sportchilarimizdan yuqori natijalar kutib qolamiz.