"Chelsi" kiperi Mendi o'ziga xos natija qayd etdi

"Chelsi" darvozaboni Edvard Mendi Chempionlar Ligasining yakunlangan mavsumining to'qqizta o'yinida o'z darvozasi daxlsizligini saqlab qoldi. Bu darvozabonlar uchun turnirdagi debyut mavsumidagi rekord ko'rsatkich hisoblanadi. Avvalroq Mendi Chempionlar Ligasi finalida o'ynagan birinchi afrikalik darvozabonga aylanib, noyob natijani qo'lga kiritgani ma'lum bo'lgan edi.

2020/21-Chempionlar Ligasining so'nggi o'yinida "Chelsi" "Manchester Siti"ni mag'lub etdi. Uchrashuv Portu shahridagi (Portugaliya) "Drago" stadionida bo'lib o'tdi va 1: 0 hisobi bilan yakunlandi. Ushbu uchrashuvdagi g'alaba golini 42-daqiqada Kay Haverts kiritdi.