Ko'rkam va haybatli bo'lsada, tashlandiqqa aylangan stadionlar top-5

Futbol stadionlari bu-futbol olamning ajralmas bir bo'lagi. Er yuzining istalgan shahriga borsangiz, albatta, stadionlarga duch kelasiz. Shunga qaramay, sayyoramizda shunday stadionlar mavjud-ki, ularning ko'rinishi ko'ngilni hijil qiladi…

Silver Dovn

1994-yilda o'tkazilgan Mundial uchun qurilgan stadion o'z davrida juda mashhur edi.  Pontiyak shahrida joylashgan arena o'z bag'riga naqd 80 ming muxlisni bemalol sig'dira oladi.

Eng achinarlisi shundaki, bu stadionning tashqi ko'rinishi va dizayni zamonaviy stadionlardan sira qolishmaydi.  Afsuski, bir necha yillardan beri shunday ko'rkam stadion achinarli ko'rinishga kelib qoldi.

Marakano

Ko'pchilik ushbu stadionning reytingimizdan joy olganidan hayratda qolgan bo'lsa, ajab emas. Boy tarixga ega stadion JCh dan so'ng davlat tomonidan moliyalashtirilmay qo'yildi.

Braziliya iqtisodi futboli singari etuk bo'lmagani sababli, bunday stadionlarni yuqori formada ushlab turish uchun ketadigan summani to'lab bera olmadi. Afsuski, 3 yil ichida stadionning holati ancha yomonlashdi. Shu ketishda bo'lsa, tez orada bu stadionni taniy olmay qolamiz, shekilli!

Don Velli

Angliyaning kichik shaharlaridan birida joylashgan stadion 1945-yilda qurib bitirilgan. U o'z vaqtida bir nechta klublarga uy stadioni sifatida munoisib hizmat ko'rsatgan, ammo vaqt o'tishi bilan bu shaharda futbol jamoalarining barchasi bankrot holatiga kelib qoldi.

Oqibatda, stadion rahbariyati uni sotishga kirishdi, ammo bir necha yildan beri bu stadionni hech kim sotib olishni xohlamadi va oxir -oqibat vayronaga aylandi…

Malyorka

Malyorka klubining sobiq uy stadioni o'z bag'riga 20 000 ming muxlisni sig'dira oladigan ko'rkam arena edi. «Malyorka» klubining qarzdorlik bilan muammolari paydo bo'lgach, klub stadionni topshirishga majbur bo'ladi. To'g'ri, keyinchalik klub qarzlardan qutildi va yangi stadionda o'z o'yinlarini o'tkaza boshladi. Oqibatda, Ispaniyadagi eng qadimiy stadionlardan biri egasiz qolib ketdi va shunchaki qo'rqinchili ko'rinishga kelib qoldi.

Xozirda hech qaysi investor bu kichik shahachadagi stadionni sotib olishni istamayapti. Afsus, yana bir tarixiy arena yo'qlikka mahkum!

Zalujanka

Chexiyaning qadimiy Bruno shahrida joylashgan arena 1953-yilda barpo etilgan. U o'z bag'riga naqd 60 ming muxlisni sig'dira olar edi. Vaqtida bu stadionda terma jamoa o'z o'yinlarini o'tkazgan.  Ushbu stadionni sotib olgan investorlar uni qayta rekonstruktsiya qilish juda qimmatga tushishi sababli qurilishni to'xtatishdi.

Oqibatda, klassik stadionlar orasida eng mashhuri bo'lgan Zalujanka, shunchaki, harobaga aylandi. Uning yuqori qismidagi tribunalari olib tashlandi. Endilikda bu stadiondan qanday foydalanish mumkinligi haqida bosh qotirishmoqda.

Yahyoxo'ja Ulug'xo'jaev