Madrimov va Abduraimov navbatdagi jangini qachon o'tkazishi aniq bo'ldi

Xabaringiz bor, mahoratli charm qo'lqop ustalarimiz ayni paytda o'zlarining professional boksdagi faoliyatida katta yutuqlarga erishib kelishmoqda. Yurtimiz boks muxlislari uchun xushxabar bor. Gap shundaki, Isroil Madrimov va Elnur Abduraimovning navbatdagi jangi qachon o'tkazilishi aniq bo'ldi.

Unga ko'ra, Madrimov professional boksdagi ikkinchi jangini 9 mart kuni o'tkazadi. Uning raqibi va jang qaerda bo'lishi haqidagi ma'lumot yaqin soatlar ichida e'lon qilinadi.

Elnur Abduraimovning yangi jangi esa 23 mart sanasiga belgilandi. Jang Rossiyaning Ekaterinburg shahrida o'tkazilib, vakilimiz mezbon bokschi Dmitriy Xasievga qarshi ringga chiqadi.

Eslatib o'tamiz, Elnur shu paytgacha 3 marta profesional boksda jang o'tkazib, ularning barchasida raqiblarini nokautga uchratgan. Xasiev esa 11 marta jang qilib, 8 bor zafar quchgan (2 nokuat), 2 bor durang qayd etgan va 1 marta mag'lubiyatga uchragan.