Pablo Sabaleta Agueroning "Barselona"ga o'tishi va Messining kelajagi haqida gapirdi

"Manchester Siti"ning sobiq himoyachisi Pablo Sabaleta "Barselona" hujumchisi Lionel Messining kelajagi haqida fikrlari bilan o'rtoqlashdi.

"Messining shartnomasi bilan bog'liq vaziyatni bilmayman, lekin Agueroning transferi unga "Barselona" ajoyib loyiha qurayotganini ko'rsatishiga ishonaman. Leo g'olib, u g'oliblikni davom ettirishni va sifatli tarkibga ega bo'lishni xohlaydi. Messi va Aguero juda yaqin do'stlar, ular bir-birlarini yaxshi bilishadi va bu "Barselona"ning Serxio bilan shartnoma imzolashining sabablaridan biridir", - deydi Sabaleta.