Eduardo Kamavinga "Renn"dan ketishni rejalashtirmoqda

"Renn" yarim himoyachisi Eduardo Kamvinga klubdan ketishni rejalashtirmoqda.

Xabarlarga ko'ra, futbolchi klub rahbariyatiga yangi shartnoma imzolamasligi haqida xabar bergan. Futbolchining amaldagi shartnomasi 2022-yil yozida o'z nihoyasiga etadi. Hozirda "Renn" bu transfer oynasida Kamavingani sotishi yoki kelasi yil erkin agent sifatida qo'yib yuborishi borasida qaror qabul qilishi kerak.

Yarim himoyachiga asosiy da'vogar "PSJ" bo'lib, Kamavinganing o'zi Parij klubiga o'tishga qiziqmoqda. Madridning "Real" klubi ham futbolchining xizmatlariga qiziqish bildirgan, ammo "qaymoqranglilar" transfer narxi yuqori bo'lganligi sababli futbolchini sotib olishdan bosh tortishgan.