Bavariya" kamerunlik hujumchi bilan shartnomani uzaytiradi

"Bavariya" hujumchisi Erik-Maksim Shupo-Moting tez orada klub bilan yangi shartnoma imzolaydi. "AZ" nashrining xabariga ko'ra, klub rahbariyati 32 yoshli kamerunlik futbolchi bilan shartnomani ikki yilga uzaytiradi.

Ma'lumot uchun, Shupo-Moting o'tgan yilning kuzida "Bavariya"ga erkin agent sifatida qo'shildi va 2021-yil yoziga qadar shartnoma imzoladi. Hujumchi ushbu mavsumda barcha musobaqalarda 32 ta o'yinda maydonga tushib, 9 ta gol va 1 ta golli uzatmaga mualliflik qildi.