Gvardiola: "Kim APL g'olibi bo'lishini ekspertlar ham bilmaydi"

"Manchester Siti" bosh murabbiyi Xosep Gvardiola ushbu mavsum yakunida qaysi jamoa Angliya chempion bo'lishini ekspertlar ham bila olmasligini aytdi.

Ispaniyalik mutaxassisi ushbu fikrlarini APLning 28-turi doirasida "Bornmut"ga qarshi o'yin oldidan bildirdi.

"Bornmut" o'z uyida doim kuchli. Bu jamoaning uyidagi va mehmondagi o'yinlari katta farq qiladi. Masalan, "Bonmut" o'z uyida "Chelsi"ni tor-mor qildi (4:0), o'sha kuni qoyilmaqom o'ynadilar.

Hozir chempionlik kurashi haqida emas, aynan shu o'yin haqida bosh qotiryapman. Kelajakda nima bo'lishi haqida o'ylashdan ma'no yo'q. Hatto ekspertlar ham kim chempion bo'lishini bilmaydilar", - deydi Gvardiola.