La Liga prezidenti: "Real" va "Barselona" ahmoqlikdan voz kechsalar, Evromusobaqalarda ishtirok etishlari mumkin"

Ispaniya La Ligasi prezidenti Xaver Tebas UEFA tomonidan Evropaning yangi turniri - Superligani tashkil qilishga urinishgani uchun "Barselona", "Real" va "Yuventus"ga qarshi ish qo'zg'atilganligi haqidagi ma'lumotlarga munosabat bildirdi.

"Chempionlar Ligasi "Real", "Barselona" va "Yuventus" jamoalarisiz davom etishi mumkin. Albatta, biz hammamiz "Real" va "Barselona"ni Evropa musobaqalarida ko'rishni istardik. Agar ular ahmoqlik qilishni to'xtatsalar, bu mumkin bo'ladi. Biroq, ular o'z xatti-harakatlari uchun javob berishlari kerak; siz go'yoki davlat to'ntarishini amalga oshirmoqchi bo'lasizu, lekin hech narsa bo'lmaganday jazodan qochishingiz mumkinmi!", - deydi Tebas.