«Inter» jiddiy qiziqayotgan murabbiy «Latsio» bilan yangi shartnoma bo'yicha kelishib oldi

Simone Inzagi «Latsio»ni shug'ullantirishda davom etadi.

45 yoshli italiyalik mutaxassis kecha Rim klubi prezidenti Klaudio Lolito bilan kechki ovqat vaqtida yangi shartnoma borasida kelishib oldi.

Inzagining «Latsio» bilan shartnomasi 2024 yilga qadar uzaytiriladi va Simonening yillik maoshi 2,2 mln evro bo'ladi. Bonuslar taqdim etiladi.

Oldinroq, Simone Inzagi Antonio Kontening ketganidan keyin «Inter» bosh murabbiyligi uchun asosiy nomzodlardan biri sanalayotgandi. Milan klubi «burgutlar» ustozi haqida ma'lumot so'ragan va unga shaxsan qo'ng'iroq qilishgandi.

Inzagi «Latsio»no 2016 yildan beri boshqarib kelayotgandi. U Italiya Kubogi va ikki marta Superkubogida g'alaba qozongan. Joriy mavsum jamoa A Seriyani 6-o'rinda yakunladi va Evropa Ligasiga yo'llanmani qo'lga kiritdi.

Manba: Sky Sports