O'zbekiston terma jamoasi Turkmanistonga qarshi o'rtoqlik uchrashuvi o'tkazadi

O'zbekiston milliy jamoasi Dubayda o'tadigan so'nggi tayyorgarlik bosqichi oldidan bugun, 26 may kuni Turkmaniston milliy jamoasiga qarshi o'rtoqlik uchrashuvi o'tkazadi, deya xabar bermoqda O'FA matbuot xizmati.

«26 may kuni O'zbekiston milliy jamoasi safar oldidan Turkmaniston milliy jamoasi bilan nazorat uchrashuvi o'tkazadi. O'yin Turkmaniston tarafining talabiga binoan barcha uchun to'liq yopiq tarzda bo'lib o'tadi», - deyiladi O'FA xabarida.

Qayd etilishicha, o'yinga faqatgina ikki milliy jamoa rasmiylari kiritiladi. Uchrashuvning vaqti va qaysi stadionda o'tkazilishi haqida ma'lumot berilmagan.