Emeri: "O'z g'oyamiz orqali g'alaba qozonmoqchimiz, MYuning yo'qotishlari hisobiga emas"

«Vilyarreal» ustozi Unai Emeri Evropa Ligasi finali doirasidagi MYuga qarshi bahs oldidan o'z fikrlarini bildirdi.

"O'zimizdan faxrlanamiz va o'zimizga bog'liq oxirgi bosqich uchun ma'suliyatni his qilyapmiz. Ammo, loyihamiz sekinlashgani yo'q va rivojlanishdan to'xatamaydi.

Evropa Ligasida raqobat sezilarli o'sishga erishdi. G'olib bo'lishni maqsad qilgan bir nechta top klublar bor va bu ro'yxatda «Vilyarreal» ham o'z o'rniga munosib. Juda yaxshi tarkibga ega MYu bilan kurashish maqsadida eng yaxshi o'yinimizni ko'rsatishimiz lozim.

G'alaba qozona olmasak nima bo'lishi haqida o'ylamayapmiz. O'yin surati va taktikani nazorat qilishni maqsad qilganmiz.

MYu yo'q o'yinchilarning o'rnini to'ldirish imkoniyatiga ega. Raqibni hurmat qilamiz, bu musobaqa, bu final. Lekin, o'z g'oyamiz orqali g'alaba qozonmoqchimiz, MYuning yo'qotishlari hisobiga emas", — dedi Emeri.