"Yuventus" Mahrezni sotib olmoqchi, Gvardiola chorasiz

"Yuventus" klubi "Manchester Siti" a'zosi Riyod Mahrezni xarid qilmoqchi.

"The Sun" nashrining yozishicha, "shaharliklar" ustozi Xosep Gvardiola Mahrezga ko'proq o'yin amaliyoti bera olmasligini ma'lum qilgan. Bu esa jazoirlik futbolchini sotib olish uchun Turin klubiga qo'l kelishi mumkin.

Joriy mavsumda Mahrez 36 ta o'yinda maydonga tushib, 10 ta gol urdi va 10 ta golli uzatmani amalga oshirdi.