Fernandesh: «Afsona bilan taqqoslashlari men uchun katta sharaf»

«Manchester Yunayted» yarim himoyachisi Bruno Fernandesh jamoaning o'yinlariga ijobiy ta'siri sababli uni klub afsonasi Erik Kantona bilan taqqoslashdi. Portugaliyalik bunga munosabat bildirdi.

«Kantona bilan taqqoslashlarmi? Bu men uchun katta sharaf, chunki uning ta'siri juda kuchli edi. U «Manchester Yunayted» bilan ko'plab yirik sovrinlarni yutgan.

Ammo sizni bunday ajoyib o'yinchi bilan taqqoslashganda, demak, siz har kuni yaxshilanishingiz kerak.

Bu meni ko'proq ishlashga majbur qiladi. Bu men uchun yaxshi motivatsiya», - deydi portugaliyalik yarimhimoyachi.