«Navbahor» jamoasi bosh murabbiyi rossiyalik Andrey Kanchelskis jamoaning tayyorgarligi xususida to'xtalib o'tdi

@LOCHINLAR

- Jamoamiz yangi mavsumga puxta reja asosida tayyorgarlik ko'rmoqda, - deya gap boshladi Kanchelskis.

- Xorijdagi ikkala yig'indan ham ko'nglim to'ldi. Endi O'zbekistonda mavsumga hozirlikning so'nggi qismini olib boryapmiz. O'z navbatida bizga ajoyib sharoitlarni yaratib berayotgan klub mutassaddilariga minnatdorchiligimni bildirib o'taman.

Tarkibga bir nechta o'yinchilarni qo'shib oldik. Asosiysi tajribali legionerlar bilan safni to'ldirdik. Yana bir nechta sobiq o'yinchilarni jamoaga qaytardik. Selektsiya ishlari butun mavsum davomida olib boriladi. Asosiy tarkib o'yinchilarini deyarli aniqlab oldik. Albatta, zaxirani ham kuchaytirish ustida bosh qotiryapmiz. Mavsum uzun. Shuningdek, yana bir yangi musobaqa boshlanishi aytildi.

@LOCHINLAR

Dastlabki turda «Navbahor» «Qo'qon-1912» jamoasi bilan bellashadi. O'zimizning o'yingoh hozircha uchrashuvlarni qabul qilishga tayyor emasligi bois, o'yin «Qo'qon-1912» maydonida bo'lib o'tishi kutilmoqda. 

Qur'aga ko'ra, biz dastlabki uchrashuvlarni kuchli raqiblarga qarshi o'tkazishimizga to'g'ri keladi. Oson o'yinlar yo'q. Avval ham aytib o'tganimdek, barcha uchrashuvlarda faqat g'alabani ko'zlab maydonga chiqamiz, - deydi «Navbahor» bosh murabbiyi.