Bundesliga. «Bavariya» 5 ta, «Borussiya D» esa 3 ta gol urib, mavsumni g'alaba bilan yakunladi, Holanddan dubl

Germaniya Bundesligasining so'nggi, 38-turidan o'rin olgan o'yinlar 22 may, shanba kuni bo'lib o'tdi.

«Bavariya» o'z maydonida «Augsburg»ni qabul qilib, 5:2 hisobida g'alaba qozondi. Myunxenliklarning gollariga Serj Gnabri Yozua Kimmix, Kingsli Koman va Robert Levandovski mualliflik qildi. Yana bir vaziyatda Jeffri Gaueleu o'z darvozasini ishg'ol etdi. Mehmonlar safida esa Andre Han va Florian Niderlexner o'z nomini tabloga yozdirib qo'ydi.

«Borussiya D» Erling Holandning dubli va Marko Roysning goli evaziga «Bayer»dan ustun keldi.

«Leyptsig» safarda «Union Berlin»ga imkoniyatni boy berib qo'ydi. Mezbonlardan Marvin Fridrix va Maks Kruze gollarga mualliflik qildi. «Leyptsig»ning yagona golini esa Jastin Klyuyvert o'z hisobiga yozdirdi.

«Bavariya» Germaniya chempionatida muddatidan oldin chempionlik masalasini hal qilgan bo'lsa, «Borussiya D», «Leyptsig» va «Volfsburg» keyingi mavsumda Chempionlar Ligasida harakat qiladi. «Ayntraxt» va «Bayer» esa Evropa Ligasi yo'llanmasiga ega chiqdi.

Bundesliga, 34-tur bahslari
22 may, shanba
«Bavariya» – «Augsburg» 5:2
Gollar: 1:0 – 9, avtogol Gaueleu, 2:0 – 23 Gnabri, 3:0 – 33 Kimmix, 4:0 – 43 Koman, 4:1 – 67 Han, 4:2 – 71 Niderlexner, 5:2 – 90 Levandovski.
«Bavariya»: Noyer, Pavar, Boateng (Xavi Martines, 61), Lyuka Ernandes, Devis, Alaba (Tolisso, 73), Kimmix, Myuller (Shupo-Moting, 72), Levandovski, Gnabri (Sane, 60), Koman (Musiala, 61).
«Augsburg»: Gikevich, Gumni, Gaueleu, Oksford, Pedersen (Framberger, 46), Kalijuri (Suxi, 46), Han (Petkov, 87), Grueso, Benesh, Rixter (Yensen, 67), Niderlexner (Finnbogason, 76).
Ogohlantirishlar: Suxi (69), Lyuka Ernandes (83).

«Borussiya D» – «Bayer» 3:1
Gollar: 1:0 – 5 Holand, 2:0 – 51 Roys, 3:0 – 84 Holand, 3:1 – 89, penalti Bender.
«Borussiya D»: Byurki, Pishchek (Passlak, 75), Jan, Akanji (Hummels, 63), Shults, Dileyni, Brandt, Daud (Bellinghem, 46), Reyner (Reyna, 79), Roys (Sancho, 63), Holand.
«Bayer»: Gradeski, Ta, Dragovich, Bender (Bender, 89), Vendell, Arangis (Baumgartlinger, 89), Demirbay, Grey, Virts (Shik, 66), Belarabi (Diabi, 73), Paulinyo (Gedikli, 66).

«Union Berlin» – «Leyptsig» 2:1
Gollar: 0:1 – 55 Klyuyvert, 1:1 – 67 Fridrix, 2:1 – 90 Kruze.