De Xea «MYu» oldiga o'z talabini qo'ydi

«Manchester Yunayted» darvozaboni David De Xea jamoa rahbariyatiga yangi shartnoma bo'yicha o'z talablarini ma'lum qildi.

Avvalroq 28 yoshli futbolchi klub tomonidan taklif etilgan yillik maoshi 20,4 million evroga teng bo'lgan shartnomani rad qilgandi.

The Telegraph tarqatgan xabarga ko'ra, ispaniyalik posbon klub hujumchisi Aleksis Sanches kabi – 500 ming funt sterling haftalik maosh olishni istamoqda. Jamoa bu shartga rozi bo'lsa, De Xeaning yillik maoshi 26 million funt (taxminan 30,4 million evro)ga teng bo'ladi.

Hozirda darvozabon haftasiga 240 ming funt sterling maosh olmoqda. Amaldagi shartnoma 2020 yilning yozida yakuniga etadi.