"Arsenal" Chempionshipda o'ynagan futbolchiga qiziqish bildirmoqda

«Arsenal» yozgi transferlar oynasida «Norvich»ni APLga qaytarishga katta hissa qo'shgan yarimhimoyachi Emiliano Buendiani o'z safiga qo'shib olishni maqsad qilgan. 

SVS'ning xabariga ko'ra, londonliklar yaqin kunlarda 24 yoshli argentinalik futbolchining transferi borasida taklif tayyorlashadi. Futbolchining o'zi ham transferga qarshi emas. 

«Arsenal» Buendia bilan yanvar oyidayoq bitim tuzmoqchi edi. Ammo o'shanda «Norvich» rad javobini bergan, natijada «to'pchilar» «Real»dan Martin Edegorni ijaraga olishgandi. 

Buendianing «Norvich» bilan shartnomasi 2024 yil yozigacha mo'ljallangan. U bu mavsumda Chempionshipda 39ta o'yin o'tkazib, 15ta gol urdi va 16ta golga assistentlik qildi.