«Chelsi» Azarni o'z safida olib qolmoqchi

«Chelsi» rahbariyati yarim himoyachi Eden Azar bilan futbolchining kelajagi borasida muzokara olib bormoqda.

Le10Sport tarqatgan xabarga ko'ra, klub belgiyalik futbolchiga yangi shartnoma taklif qilmoqda. Agar Azar yangi shartnomaga rozi bo'lmasa ham, jamoa uni kelasi mavsumda ham o'z safida olib qolish niyati borligini ma'lum qilgan. Edenning "Chelsi" bilan shartnomasi 2020 yilning iyul oyida yakuniga etadi.

Avvalroq Azarga «Real» da'vogarlik qilayotgani va futbolchi bilan shaxsiy shartnoma borasida kelishuvga erishgani haqida xabarlar tarqalgandi. «Chelsi» esa futbolchini ko'proq ushlab qolib, uning narxini oshirmoqda.

Yarim himoyachi ushbu mavsumda "ko'klar" safida jami 36ta o'yinda maydonga tushib, 15ta gol urdi va 10ta golga uzatma berdi.