Ispaniya kubogi. «Barselona»ning finaldagi raqibi aniq bo'ldi

Ispaniya kubogida final yo'llanmasini qo'lga kiritgan ikkinchi jamoaning nomi aniq bo'ldi. «Valensiya» o'z maydonida «Betis»ni qabul qilib, kichik hisobda g'alaba qozondi.

O'yindagi yagona gol 56-daqiqada Rodrigo tomonidan urildi. Uch hafta avval bo'lib o'tgan dastlabki o'yinda 2:2 hisobi qayd etilgan edi. Shu tariqa, «Valensiya» Ispaniya kubogi finaliga yo'l oldi.

Finalda "Barselona" va "Valensiya" klublari to'qnash kelishadi. O'yin 25 may kuni "Betis" klubiga tegishli — Sevilya shahridagi «Benito Vilyamarin» stadionida bo'lib o'tadi.

Ispaniya kubogi, yarim final, javob o'yini
Valensiya – Betis 1:0 (0:0, 1:0)
Gol: 1:0 – 56 Rodrigo.
Valensiya – Domenek, Gabriel, Gayya, Pichchini, Ronkalya, Vass (Soler, 75), Parexo, Koklen, Gedesh, Gameyro (Diakabi, 85), Rodrigo (Cheriishev, 68).
Betis – Robles, Sidney (Feddal, 84), Mandi, Bartra, Lo Chelso, Kanales, Guardado (Telo, 79), Vilyam Karvalyu, Xese, Gerrero (Moron, 65), Sanches.
Ogohlantirishlar: Gabriel (41), Domenek (85), Sanches (90).
Dastlabki o'yin: 2:2