«Manchester Siti»ni endi «PUMA» kiyintiradi

«Manchester Siti» klubi sport ekipirovkasi ishglab chiqaruvchi kompaniya — PUMA bilan shartnoma imzoladi.

Shartnomaga ko'ra, "shaharliklar" 10 yil davomida Germaniya kompaniyasidan 650 million funt sterling (taxminan 760 million evro) pul olishadi.

«Siti» hozirda Nike formalaridan foydalanmoqda. Jamoaning bu kompaniya bilan hamkorligi shu yilning yozida yakuniga etadi.

PUMA bilan kelishuvga ko'ra, bu tashkilot "Manchester Siti"ning nafaqat asosiy tarkibini, balki ayollar va yoshlar jamoalarini ham formalar bilan ta'minlaydi. Bundan tashqari, kelishuv doirasida «Melburn Siti», «Jirona», «Atletiko Torke» va «Siichuan Tszyunyu» klublari ham PUMA liboslaridan foydalana boshlashadi.